Психолог есебі
І.Жұмағұлов атындағы орта мектеп психологының
2019-2020 оқу жылында төмендегідей жұмыстар атқарды:
- І жарты жылдықта МАД, 1,5 сынып оқушыларының мектепке бейімделуін зерттеу жұмыстары жүргізілді.
- «Өмірге құштарлықты арттыру» бағытында 7-11 сынып оқушыларынан Кешенді тесттер алынып (Бек, Голланд, НСВ 10, Дембо-Рубенштейн), тест нәтижелері өңделді.
- «Жас дағдарысы өтпелі кезеңдегі балалар» орта буын оқушылары 4-6 сыныптарда бала миының алдыңғы бөлігінің дамуына байланысты, тез шешім қабылдау, тез ашуланудың алдын алу жұмыстары жүргізілді.
- Мектептегі құқық бұзушылық пен зорлық –зомбылықтың алдын алу мақсатында жыл бойы тоқсанына 1 рет жасырын әлеуметтік сауалнамалар жас ерекшеліктеріне қарай барлық сыныптардан алынып отырды, сонымен қатар мектептегі «Сенім жәшігі» мен «Сенім телефоны» кез-келген уақытта оқушылар мен ата-аналарға мәселелер бойынша жауап беріліп отырды және әр апта сайын мобилдік топ отырыс болып отырды.
- Ата-аналармен жыл бойы «Бала тәрбиесіндегі ата-аналардың рөлін» арттыру мақсатында ата-аналармен тренингтер, дөңгелек үстелдер және сауалнамалар тоқсанына 1 рет жалпы және жоспарға сәйкес сынып бойынша бөлек өткізіліп отырды.
- Педагог-психолог өзінің біліктілігін көтеру мақсатында ауданды және облыстық біліктілікті арттыру курстарында өз біліктілігін көтеріп, аудандық «Жыл психологы -2019» жарысында жүлделі І орын алып , облыстық жыл психологы байқауына қатысып, облыстық білім басқармасының алғыс хатына ие болды.
І.Жұмағұлов атындағы орта мектеп психологының Балалар мен жасөспірімдердің суицидтік мінез - құлықтарынның алдын алуға арналған 2019-2021 жылға дейінгі кешенді жоспар бойынша
2019-2020 оқу жылында атқарылған жұмыстарға
а н ы қ т а м а
Мектепішілік арасында суицидтік жағдайлардың алдын алу мақсатында мектепішілік топ құрылды. Топ мүшесі болып мектеп директоры Қ.Н.Мусаева , тәрбие орынбасарлары А.Байсұлтанова, мектеп психологы Д.Бітеев топ мүшелері болып бекітілген. Өкілдердің қатысуымен кәмелетке толмағандар арасында суицидті алдын алу және ҚР-сындағы кәмелетке толмағандардың арасында суицидтің алдын алу бойынша жобаны іске асыру жөніндегі ведомствоаралық жұмыс тобының жоспарлы отырысы өткізілді.
Суицидтік мінез-құлқы бар «тәуекел топтағы» балаларды анықтау үшін сауалнамалар алу мақсатында 7-10 сыныптарының оқушылары арасында сауалнама ұйымдастырылып , түзету –дамыту жұмыстары өткізілді. Сауалнама нәтижесі щығарылып , құпия сақталды.
Сауалнама қорытындылары бойынша анықталған «тәуекел топтағы» кәмелетке толмағандармен сұхбат жүргізіліп, сондай-ақ оларды қажетті психологиялық көмекпен қамтамасыз етіліп, қажет болған жағдайда, «жоғары тәуекел топтағы» балаларды уақытылы консультация және медициналық көмек алу үшін денсаулық сақтау ұйымдарына жіберу ұйымдастырылып отырады. Кәмелетке толмағандардың арасында суицидтің алдын алу бойынша жобаны енгізу мониторингісі шығарылуы қамтамасыз етіліп отырады.
Құқық қорғау органдары қызметкерімен ауыл имамдарымен кездесу өткізілді. Б.Изгутов және А,Найзабеков кәмелетке толмағандар арасындағы құқық бұзушылық туралы заң шеңберінде және дін сауаттылығы жағынан жан-жақты түсіндіріп, оқушылардың құқықтар мен міндеттерін тағы бір мәрте айқындап, атап көрсетті. Оқушылар өз сұрақтарын қойып, пікір алмасты.
Әлеуметтік-қауіпті жағдайдағы отбасыларды анықтау бойынша емхана, дәрігерлік амбулаторияларының қызметін қамтамасыз ету және олар туралы профилактика жүйесінің органдарын ақпараттандыруды қамтамасыз етіліп, үнемі байланыста отырылады. Тоқсанына бір рет ведомствоаралық ұйымдармен құрылған комиссия мүшелерінің отырсы болады.
Болашақ кәмелетке толмаған жасөспірімдер арасында құқық қорғау органдарына қызмет ету, олардың патриоттық сезімін ояту және мамандық таңдауға ықпал ету мақсатында құқық қорғау курсанттарымен кездесу өткізілді.
Мемлекеттік әлеуметтік тапсырыс шеңберінде балалардың денсаулығын нығайту және олардың өмірлік дағдыларын қалыптастыру бойынша шараларды қарастыру мақсатында жыл бойы жұмыстар жүргізілді.
Сонымен қатар мінез-құлқында суицидтік белгілері бар «тәуекел топтағы» оқушыларға, сонымен қатар, қолайсыз отбасындағы балаларға қамқоршылық жасау мақсатында балаларға тәлімгерлер тағайындалып, үнемі байланыс жасалып отырды.
Үлкен адамдарға арналған жасөспірімдер суициді туралы жадынамаларды әзірлеп, ата-аналар мен қоғамдық орындаға насихаттау мақсатында ақпараттық насихаттау жұмыстары жүргізілді.
Қолданыстағы сенім телефоны, мемлекеттік қолдау, оның ішінде, өмірдің қиын жағдайына тап болған кәмелетке толмағандарға арналған арнаулы әлеуметтік қызмет туралы қоғамның ақпараттандыруын үнемі қадағалап , оқушыларға лездемеде насихатталып отырады.
Кәмелетке толмағандарды бейімдеу орталықтарында, девиантты мінез-құлықты балаларға арналған және ерекше режимде ұстайтын арнаулы ұйымдарда суицидтің алдын алу, балалардың тыныс-тіршілігі негізі және құқықтық тәрбие бағдарламалары бойынша ақпараттық-ағарту жұмыстары жоспарлы түрде жүргізілуде.
Мектепте қауіпсіз интернетке байланысты оқушылардан сауалнама алынып, өмірдің қиын жағдайына тап болған балаларға қолдау үшін әр сынып оқушылармен жеке пікірлесіп, психологиялық кеңестер берілді.Үлкен адамдарға арналған жасөспірімдер суициді туралы жадынамалар әзірленіп, ата-аналарға таратылды. Мектебімізде сенім телефоны, сенім жәшіктері орнатылып оның мақсаты мен міндеті оқушыларға таныстырылды. Түскен хаттары АКТ-мен ашылып арнайы журналдарға толтырылуда.
Елімізде енгізілген карантин жағдайына байланысты 2019-2020 оқу жылының 3-4 тоқсандарында оқушылармен қашықтықтан онлайн форматында жұмыстар жүргізілді. Онлайн форматтарында оқушылармен және ата-аналармен карантин ережелері туралы, ZOOM, Whatsap платформаларында ақпараттандыру жүргізілді. Жалпы алғанда,
ата-аналардың алдында баласының эмоционалды жағдайын түсіну, онымен бірге болмаған уақыттарының орнын толтыру және жақсы қарым-қатынас орнату міндеті түсіндіріле келе, балалары қашықтан, үйде оқитын жағдайда, ата-аналарға салыстырмалы түрде ересектермен, балалармен, олардың жаңа қызығушылықтары туралы білуге мүмкіндік берілгендігі туралы ақпараттар алды. Сондықтан ортақ үй істері, бірлескен шай ішу, фильмдер мен телебағдарламаларды көру, әңгімелесу өте маңызды. Нәтижесінде карантин жағдайынан шыққаннан кейін бала тәрбиесіндегі жіберген олқылықтарының орнын толтырып, баласының мүмкіндіктерін және одан не талап ете алатынын нақты білетін болды. Балалармен бірге қарым-қатынасты қолдау үшін өз туысқандарына, әжелеріне, аталарына қоңырау шалып, жақындарына қамқор болу өте маңызды. Әсіресе, қазір осы уақытта жылы сезім пайда болады. Карантин әлсіреп кеткен отбасының қарым-қатынас құндылығын нығайта алды. Ата-аналарға кеңестер беріліп отырды.